Shirov hefur tryggt sér keppnisrétt í Bilbao

Lettneski Spánverjinn Alexei Shirov (2749) hefur tryggt sér keppnisrétt á Bilbao Final Masters sem fram fer í október.  Shirov vann Wang Hao (2724) í fimmtu og næstsíðustu umferð mótsins í Shanghai sem fram fór í dag.  Kramnik (2780) hefur ekki sagt sitt síðasta orð en hann vann Aronian (2783) í dag.  Þeir eru jafnir í öðru sæti og aðeins annar þeirra fær keppnisrétt í Bilbao ásamt Shirov, Carlen (2826) og Anand (2800).

Staðan:

• 1. Shirov (2749) 11 stig (4 v.)
• 2.-3. Kramnik (2780) og Aronian (2783) 6 stig (2½ v.)
• 4. Wang Hao (2724) 2 stig (1 v.)

Lokaumferðin fer fram í fyrramálið og hefst kl. 6.  Þá mætast Shirov og Aronian og Kramnik og Wang Hao.

Tveir efstu menn mótsins tefla á sjálfu aðalmótinu sem fram fer í Bilbao, 9.-15. október nk. ásamt stigahæsta skákmanni heims, Magnusi Carlsen (2826) og heimsmeistaranum Anand (2800). 

Veitt eru 3 stig fyrir sigur og 1 stig fyrir jafntefli.  Tefld er tvöföld umferð.

• Heimasíða mótsins
• Skákirnar í beinni