Páll og Patrekur Maron sigruðu á TORG móti Fjölnis

Þeir félagar úr Salaskóla, Páll Andrason og Patrekur Maron Magnússon

sigruðu á sterku og fjölmennu TORG skákmóti Fjölnis á laugardag.

Þeir fengu 5,5 vinninga í sex umferðum og gerðu innbyrðis jafntefli í

síðustu umferð. Rimaskólakrakkarnir Hörður Aron Hauksson, Jón

Trausti Harðarson og Hrund Hauksdóttir komu þar í kjölfarið með 5

vinninga. Í yngsta flokki, skákmenn fæddir 1999 og síðar, varð Kristófer

Jóel Jóhannesson úr Rimaskóla efstur með 4 vinninga. Alls tóku 37

grunnskólanemendur þátt í mótinu og meira en helmingur þátttakenda fékk

verðlaun í hendur frá fyrirtækjunum í Verslunarmiðstöðinni Hverafold

1-3. Heiðursgetur Fjölnismanna var að þessu sinni Björn Þorfinnsson

forseti Skáksambands íslands. Hann talaði til krakkanna í upphafi

mótsins og lýsti ánægju sinni með hversu margir stórefnilegir

skákkrakkar væru mættir til leiks. Allir keppendur fengu ókeypis

veitingar frá NETTÓ, nýrri og glæsilegri verslun í Hverafold og

vinningana gáfu Símabær, Bókabúðin Grafarvogi, Papinos pizza, Nýja

Kaupþing, Runni - Stúdíóblóm og hárgreiðslustofan Höfuðlausnir.

Skákstjórar voru þau Ingvar Ásbjörnsson, Sigríður Björg Helgadóttir

og Finnur Kr. Finnsson.

Úrslit TORG skákmótsins 8. nóv. 2008:

1-2 Páll Andrason, Salaskóla, 

    Patrekur Maron Hauksson  Salaskóla 5,5 v.

3-5 Hörður Aron Hauksson, Rimaskóla,

    Jón Trausti harðarson, Rimaskóla,

    Hrund Hauksdóttir, Rimaskóla 5 v.

6-13 Birkir Karl Sigurðsson, Salaskóla,

     Benjamín Einarsson, Salaskóla,

     Guðmundur Kristinn Lee, Salaskóla,

     Óliver Jóhannesson, Rimaskóla,

     Emil Sigurðarson, Laugarvatni,

     Kristófer J. Jóhannesson, Rimaskóla,

     Sigurður Kalman Oddsson, Rimaskóla,

     Friðrik Gunnar Vignisson, Rimaskóla 4 v.

Stúlknaflokkur:

1 Hrund Hauksdóttir, Rimaskóla 5 v.

2-4 Sóley Lind Pálsdóttir, Hvaleyrarskóla

    Brynja Vignisdóttir, Rimaskóla

    Rakel Rós Halldórsdóttir,  Rimaskóla 3 v.

Yngsti flokkur; fæddir 1999 og síðar (15 keppendur)

1 Kristófer Jóel Jóhannessson f. 1999, Rimaskóla 4 v.

2-5 Jóhann Arnar Finnsson f. 2000, Rimaskóla,

    Friðrik Daði Smárason f. 2000, Hólabrekkuskóli,

    Aron Daníel Arnalds f. 2000,Lágafellsskóli,

    Hilmir Hrafnsson f. 2001, Borgaskóli 3 v.

Athugasemdir

[Benjamín G.Einarsson (IP-tala skráð) 9.11.2008 kl. 23:16]

Vill bara koma því á framfæri að ég er í Lindaskóla en ekki í Salaskóla.

Benjamín Gísli Einarsson